MIA NUSURA IMTOE ROHO DOGO WA DARASA LA PILI

Mtoto Ramadhani akiwa na Mama yake mzazi baada ya  kufikishwa kituo cha Polisi  Mbagala  

Ramadhani baada ya kupata huduma ya kwanza (PIicha kwa hisani ya Mwalimu mkuu shule ya msingi Nzasa) 

MWANAFUNZI wa darasa la pili Ramadhan Hamza(8) katika shule ya Msingi Nzasa, iliyopo Mbagala jijini Dar esSalaam, ameshindwa kuhudhuria masomo darasani kwa muda wa wiki nne sasa kufuatia kuunguzwa mikono na baba yake mzazi aliyetajwa kwa jina la Hamza Ismail.

Akizungumza na Tanzania Daima jana, mwenyekiti wa serikali ya mtaa wa Mianzini Abdallah Mzee, alisema tukio hilo lililtokea baada ya mwanafunzi huyo kurudi nyumbani kwa wazaqzi wake ma kuchukua sh. 100 kwa ajili ya kununua sambusa kufuatia kukosa chakula baada ya kutoka shuleni.

“Tulipomuuliza alituambia ni baba yake ndiye aliyemchonma na moto baada ya kumfunga na vitambaa mikononi kisha akawasha moto ingawa mwanzoni mama yake alitaka kumkingia kifua mumewe ili unyam huu usijulikane”alisema Mzee.

Alisema harakati za mzazi wa kike kuuficha unyama huo zilifichwa hadi majirani walipogundua na kuchukua hatua za kumfikisha katika ofisi ya serikali ya mta na baadae Polisi amabapo alikiri unyama huo kufanywa na mumewe kwa madai kuwa mtoto wao alikuwa na tabia ya udokozi.

Aliongeza baada ya mzazi wa kike wa mwanafunzi huyo kufikishwa Polisi taarifa zilimfikia baba mzazi wa kiume ambaye aliamua kutoroka nyumbanio na hajaonekana hadi leo.

Kwa upande wake mwalimu mkuu wa shule ya Msingi Nzasa Kahabi Mabeyo amethibitisha mwanafunzi huyo kushindwa kuhudhuria masomo baada ya mikono yake yote miwili kuwa na vidonda vinavyomfanya ashindwe kuhudhuria masomo ya darasani

Jitihada za kumpata kamanda wa Polisi mkoa wa Temeke David Misime kwa lengo la kuelezea hatua walizofikia katika kumtafuta mzazi aliyetenda unyama huo zilishindikana baada ya simu yake kuiota bila kupokelewa.