UVCCM WATWANGANA HADHARANI DAR

Vijana wa uvccm wakiwa na mabango ya kuwapinga viongozi wao

wakichapana makonde mbele ya uofisi za uvccm jijini Dar esSalaam Leo

Kipondo kikiendelea

HALI ya mambo ndani ya jumuiya ya umoja wa vijana wa CCM(UVCCM)si shwari kufuatia vijana wa jumuiya hiyo kutwangana makonde hadharani wakati wa kumpokea mwenyekiti mpya wa jumuiya hiyo Sadifa Juma Khamis.

Sababu ya Ugomvi huo ni miongoni mwa vijana hao wa UVCCM kupinga kuchaguliwa kwa mwenyekiti huyo kwa kile walichoeleza kutumika kwa rushwa pamoja na kueleza kuwa mwenyekiti huyo hana sifa ya kuhudumu katika nafasi hiyo kwa kuwa umri umemtupa mkono.

Dalili za Vurugu hizo zilianza kuonekana mapema jana mchana kwa makundi ya vijana wa ccm  kufika katika ofisi za umoja huo zilizopo pembezoni mwa barabara ya morogoro eneo la fire jijini Dar esSalaam, wakiwa  na mabango ya kumlaani Sadifa pamoja na katibu mkuu wa jumuiya hiyo Martin Shigela.

Majira ya saa 11:28 jioni msafara wa Mwenyekiti wa uvccm uliwasili katika makao makuu ya umoja huo huku kukiwa hakuna viongozi wa jumuiya zingine za Chama hicho na kupokelewa na watu wachache waliokuwa katika maeneo hayo wakitumbuizwa na bendi ya muziki ya Vijana Jaz

Baada ya kluwasili mohja kwa moja msafara huo wa mwenyekiti wa uvccm ulisalimiana na watu waliojipanga mistari kabla ya kuelekea meza kuu kwa ajili ya taratibu zingine.

Wakati mwenyekiti huo akiwa anataka kukaa walijitokeza vijana mbali mbali wakiongozwa na mjumbe wa umoja wa vijana wa CCM mkoa wa Dar esSalaam, Agustino Matefu na kusimama karibu na meza kuu huku wakionyesha mabango yao.

Kufuatia hali hiyo kundi lingine la vijana wa CCM liliinuka katika viti na kuwafuata wenzao waliobeba mabango na kuanza kuwashambulia kwa ngumi na teke hadi kuwavusha upande wa pili wa barabara na kisha baadhi ya vijana waliobeba mabango wakiwemo wanawake wakikamatwa nakuingizwa katika ofisi za umoja huo kwa hatua zaidi.

Baaada ya hali hiyo Katibu wa umoja huo Taifa Martin Shigela aliinuka na kusema vijana hao wametumwa na kwamba wamerithi tabia za baba zao katika chama pasipo kutaja ni baba wa namna gani.

Alisema uchaguzi wa umoja huo umeisha na kilichobaki ni wanachama kukijenga chama chao pasipo kuangaliana machoni na kuwekeana visasi.

“Hii tabia ya hawa vijana ni ya kutumwa tena na baba zao wa Kmabo katika siasa tunajua wapo walioumia katika hali hii kwa kuwa walitumia gharama kubwa kwa ajili ya kuwania uongozi na kama wameona kuna uonevu wafuate taratibu”alisema Shigela

Kwa Upande wake Mwenyekiti wa UVCCM Sadifa Juma Khamis,alikiri kuwepo kwa harakati za chini chini za kumzuia kupata nafasi hiyo kwa kile alichoeleza kuwa misimamo yake ndani ya Chama inawatisha wengi.

Alisema hatorudi nyuma katika kukijenga Chama na kama kuna wakorofi hatosita kuwashughulikia na kama kutakuwa na kikwazo kutoka juu yake atakuwa tayari kuachia nafasi hiyo kwa ajili ya kulinda heshima yake nay a Chama.

“Mimi ni mwanajeshi by professional nimefanya kazi hiyo nikiwa Tanga na sehemu nyingine ya nchi hivyo sitoona taabu kumshughulikia mtu yeyote atakayekuwa kikwazo kwetu na kama yatanishinda kwa sababu zilizo nje ya uwezo wangu nitaachia nafasi hii mimi  si mroho wa madaraka”alisema Sadifa