SERIKALI YA TANZANIA YASAKA TAKWIMU ZA DIASPORA

Wizara ya Mambo ya Ndani ya Nchi kupitia Idara ya Uhamiaji imeandaa mpango wa kupata idadi ya Watanzania waishio nje, idadi ya wahamiaji nchini pamoja na mchango wao katika kuinua uchumi wa nchi.

Naibu Waziri wa Mambo ya Ndani ya Nchi, Pereira Silima, alisema jana kuwa mkakati uliopo sasa ni kujua idadi ya Watanzania waishio nje ya nchi wanachangiaje kuongeza uchumi wa chini kwa kuleta fedha za kigeni nchini.

Alisema kuna Watanzania wengi wanaishi nje ya nchi huku wakihudumia familia zao nchini kwa kuwatumia fedha za kigeni na mahitaji mengine kila siku.

“Lazima tujue wahamiaji wanaichangia katika nchi yetu kwa kiasi gani, kuna mapato mengi yatokanayo na Uhamiaji hivyo yatupasa kufahamu ni kwa kiasi gani,” alisema Silima.

Alisema, waandishi wa habari pamoja na wanasiasa wanapaswa kupewa elimu juu ya masuala ya uhamiaji na uhamaji kwa kuwa wengi wao hawafahamu faida zake.

Naye Kamishna wa Fedha na Utawala Idara ya Uhamiaji, Piniel Mgonja, alisema wataalam kuna waliokwenda nje ya nchi kujifunza masuala mbalimbali kuhusu uhamiaji na uhamaji. Aidha, alisema wataalamu wa takwimu wanafuatilia kujua idadi ya Watanzania walioko nje.

---
via gazeti la NIPASHE

Source: http://www.wavuti.com/#ixzz29TKMldfw