MTOTO WA MIAKA MIWILI ABAKWA NA MTU WA MIAKA 20

Mahmoud Ahmad Arusha

Matukio ya ubakaji watoto wadogo yameendelea kujirudia mkoani hapa baada ya mtoto wa miaka miwili aitwaye Stela Jacob mwenye umri wa miaka 2 na nusu mkazi wa Ilboru kubakwa  hadi kulazwa kwenye hospitali ya mkoa ya mount meru jijini hapa.

 Tukio hilo la kutisha limetokea juzi majira ya asubuhi kwenye mtaa huo wa Ilboru kwa kijana wa miaka 20 nae ni  mkazi wa mtaa huo kufanya kitende hicho cha kinyama baada ya mama wa mototo huyo kutoka na kumuacha mtoto huyo akicheza na wenzake na ndipo mtuhumiwa huyo kuamua kujifanyia anavyotaka kwa mtoto huyo,

 Akizungumza na waandishi wa habari kwenye hospitali ya mkoa mama wa mtoto huyo aitwae Mariam Miller mwenye umri wa miaka 30 alisema kuwa yeye alipotoka kidogo kumsindikiza jirani yake aliporudi alimkuta mtuhumiwa akiwa anavaa suruali baada ya kumaliza kitendo hicho huku mtoto wake akilia kwa nguvu hali iliyomshitua na ndipo alipoamua kumuuliza mtuhumiwa.
Baada ya Mtuhumiwa kuulizwa na mama huyo, alitimua mbio bila ya kutoa majibu.

 Alisema kuwa alipo mkagua alimkuta mwanae anamabaki ya mbegu za kiume kwenye sehemu zake za siri na ndipo alipowaeleza  nduguzake waliomshauri kumpeleka hospitali kwa matibabu.
 Walimpeleka hospitalini hapo kwa matibabu zaidi lakini kabla ya kupewa huduma wauguzi hospitalini hapo walimtaka apeleka PF3 ya polisi na ndipo alipotoa taarifa polisi.

 Wakati waandishi  wakiendelea kumuhoji mama huyo walipata taarifa za mtoto mwingine wa kike aitwaye Zam zama Joseph mwenye umri wa miaka 10 aliyebakwa na kijana wa miaka 30 wote wakazi wa mtaa wa Pangani kata ya kati jijini hapa na kesi yake ipo polisi kwa uchunguzi.

 Nae kamanda wa polisi Liberatu Sabas alisema kuwa jeshi la polisi mkoani hapa linaendelea na uchunguzi wa matukio hayo na kuwa watuhumiwa wote wakikamatwa  watafikishwa kwenye vyombo vya sheria ili sheria ichukuwe mkondo wake na kuwataka wakinamama kuwa karibu na watoto wao ili kuweza kubaini au kukabiliana na vitendo hivyo.