SHONZA AIWEKA UCHI CHADEMA, ATAMKA MAMBO AMBAYO HAYAKUDHANIWA KUWA YANAFANYWA CHADEMA

Aliyekuwa Makamu mwenyekiti wa BAVICHA Taifa Bi, Juliana Shonza aliyefukuzwa kwenye chama hicho na kunyang'anywa Madaraka akizungumza na waandishi wa habari leo ambapo amesema kuwa bado yeye ni Makamu Mwenyekiti wa chama hicho.

 

Aliyekuwa Makamu Mwenyekiti wa BAVICHA  aliyesimamishwa hivi karibuni leo ameinuka na kuyasema yake ya Moyoni kuhusiana na Kusimamishwa kwake  na pia akayasema machafu yaliyomo katika Chama hicho.

Akizungumza leo  katika Mkutano wake na waandishi wa habari,  uliofanyika jijini Dar es Salaam,  Bi Juliana Shonza  ameseme kuwa yeye hajapewa barua  ya kufukuzwa uanachama kwa hivyo bado anajua kuwa yeye ni Mwanachama wa Chadema na ni Makamu mwenyekiti wa BAVICHA.

Bi Shonza ametumia nafasi hiyo kuyasema yanayofanywa ndani ya Chama hicho ambayo alikuwa anapingana nayo mara kwa mara ambapo anasema kuwa alikuwa anapinga kitendo cha Mwenyekiti wa Chama hicho kufumbia macho  Katibu mkuu wa Chama hicho kujikopesha pesa za Ruzuku ya chama kiasi cha Shilingi milioni 140  kwa manufaa yake binafsi ambapo hajazilipwa mpaka leo.

Aliendelea kusema kuwa  alikuwa anashauri uongozi wa Chama hicho kuwa na Jengo la chama na kuondokana na Kupanga, jambo ambalo linakifanya Chama kulipa mamilioni ya pesa kwa ajili ya kulipa kodi ya Jengo la makao makuu, kwani Chama kina uwezo wa kuwa na majengo yake yenyewe.

Aidha Juliana ametaka Mshahara wa katibu mkuu wa Chama hicho Dk Willibord  Slaa ambao ni zaidi ya Milioni saba kwa Mwezi ambao unaambatana na Marupurupu kibao ili pesa hizo na mamilioni zielekezwe kujenga chama mikoani.

“Namshangaa mwenyekiti kudai madai yangu ni ya kitoto sasa sijui ni madai yapi anayoyazungumzia ni yapi? Na je ni haya ya mimi kudai vitu vya Msingi”, amesema Juliana Shonza.

Hapa wakizungumza na waandihi wa habari