RAIS KIKWETE AZINDUA TAARIFA YA UTAFITI WA VISAHIRIA VYA UKIMWI NA MALARIA MWAKA 2012

  Rais Jakaya Mrisho Kikwete akihutubia wakati wa kuzindua rasmi  taarifa ya utafiti wa viashiria vya ukimwi na malaria mwaka 2012 leo Machi 27, 2013 katika ukumbi wa Karimjee jijini Dar es salaam.

  Rais Jakaya Mrisho Kikwete akikata ukanda kuzindua rasmi taarifa ya utafiti wa viashiria vya ukimwi na malaria mwaka 2012 leo Machi 27, 2013 katika ukumbi wa Karimjee jijini Dar es salaam.

Kulia kwake ni Waziri Mkuu Mhe Mizengo Pinda na Mkuu wa Mkoa wa Dar es salaam Mhe Saidi Meck Sadiki. Kushoto kwake ni Mkurugenzi wa Tume ya Kudhibiti Ukimwi (TACAIDS) Mama Fatma Mrisho na

Waziri wa Nchi Ofisi ya Waziri Mkuu (Sera, Uratibu na Bunge), Mhe William Lukuvi

 Rais Jakaya Mrisho Kikwete akinyanyua juu baada ya  taarifa ya utafiti wa viashiria vya ukimwi na malaria mwaka 2012 leo Machi 27, 2013 katika ukumbi wa Karimjee jijini Dar es salaam.

Kulia kwake ni Waziri Mkuu Mhe Mizengo Pinda',  Kushoto kwake ni Mkurugenzi wa Tume ya Kudhibiri Ukimwi (TACAIDS) Mama Fatma Mrisho.

 Rais Jakaya Mrisho Kikwete akipitia baada ya kuzindua rasmi  taarifa ya utafiti wa viashiria vya ukimwi na malaria mwaka 2012 leo Machi 27, 2013 katika ukumbi wa Karimjee jijini Dar es salaam.

Kulia kwake ni Waziri Mkuu Mhe Mizengo Pinda na kushoto kwake ni Waziri wa Afya na Ustawi wa Jamii Dkt Hussein Mwinyi, Waziri wa Fedha Dkt William Mgimwa.

 Wadau kutoka sekta mbalimbali wakiangalia matangazo ya kupiga vita UKIMWI na Malaria wakati wa uzinduzi rasmi wa taarifa ya utafiti wa viashiria vya ukimwei na malaria mwaka 2012 leo Machi 27, 2013 katika ukumbi wa Karimjee jijini Dar es salaam.

Meza kuu ikimsikiliza kwa makini Mkurugenzi wa Tume ya Kudhibiri Ukimwi (TACAIDS) Mama Fatma Mrisho akisoma taarifa ya utafiti wa viashiria vya ukimwi na malaria mwaka 2012 leo Machi 27, 2013 katika ukumbi wa Karimjee jijini Dar es salaam.PICHA NA IKULU

MAKAMU WA RAIS DKT. BILAL ATEMBELEA TUME YA SAYANSI NA TEKNOLOJIA (COSTECH) KIJITONYAMA

 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiangalia moja ya chupa ya dawa ya kuongeza virutubisho mwilini, Juice Lishe,(Morizella Juice) huku akimsikiliza Dkt. Modest Kapingu, kuhusu matumizi ya dawa hiyo, wakati Makamu alipofanya ziara ya kutembelea katika maonyesho ya Tume ya Sayansi na Teknolojia (Costech) Kijitonyama leo Machi 27, 2013 kujionea maendeleo ya tume hiyo inayozalisha vijana wabunifu wa masuala ya kisayansi. Picha na OMR

 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akimsikiliza MMtafiti wa TEHAMA kutoka COSTECH, Rahma Bashary, wakati Makamu alipofanya ziara ya kutembelea katika maonyesho ya Tume ya Sayansi na Teknolojia (Costech) Kijitonyama leo Machi 27, 2013 kujionea maendeleo ya tume hiyo inayozalisha vijana wabunifu wa masuala ya kisayansi. Kulia ni, Waziri wa Sayansi na Teknolojia, Makame Mbarawa. Picha na OMR 

 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akimsikiliza Mkurugenzi wa Sayansi ya Uhai, Dkt. Flora Tibazarwa, wakati Makamu alipofanya ziara ya kutembelea katika maonyesho ya Tume ya Sayansi na Teknolojia (Costech) Kijitonyama leo Machi 27, 2013 kujionea maendeleo ya tume hiyo inayozalisha vijana wabunifu wa masuala ya kisayansi. Kushoto kwa Makamu wa Rais ni, Waziri wa Sayansi na Teknolojia, Makame Mbarawa. Picha na OMR

 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akionyeshwa namna ya kutumia simu ya mkononi kuunganisha huduma ya mtumiaji simu ili kupata taarifa ya mkulima kutoka kwa Gwaliwa Mashaka wa Kampuni ya Spendid Amos, wakati Makamu alipofanya ziara ya kutembelea katika maonyesho ya Tume ya Sayansi na Teknolojia (Costech) Kijitonyama leo Machi 27, 2013 kujionea maendeleo ya tume hiyo inayozalisha vijana wabunifu wa masuala ya kisayansi. Kushoto kwa Makamu wa Rais ni, Waziri wa Sayansi na Teknolojia, Makame Mbarawa. Picha na OMR

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiwa katika picha ya pamoja na baadhi ya washiriki wa maonyesho ya Kisayansi yaliyoandaliwa na Tume ya Sayansi na Teknolojia, leo Machi 27, 2013.Picha na OMR

DOUBLETREE BY HILTON YAKABIDHI TAA ZA KUTUMIA MIONZI YA JUA KWA WANAFUNZI WA SHULE YA MSINGI MIKOCHENI A

Mwalimu Mkuu wa Shule ya Msingi Mikocheni A jijini Dar es Salaam, Salehe Makwiro (kulia) akipokea sehemu ya msaada wa taa 200 za kutumia mionzi ya jua kwa ajili ya wananfunzi wa darasa la saba ambao watazitumia kwa ajili ya kujisomea. Kulia ni Mkurugenzi wa Mauzo wa Hoteli ya Doubletree by Hilton, Florenso Kirambata na Meneja Mkuu wa Doubletree by Hilton, Sven Lippinghof.

Meneja Mkuu wa Doubletree by Hilton, Sven Lippinghof akiwaelekeza wanafunzi wa Shule ya Msingi Mikocheni A jijini Dar es Salaam jinsi ya kutumia taa zinazotumia mionzi ya juu mara baada ya kukabidhi taa 200 kwa ajili ya wanafunzi wa darasa la saba katika shule hiyo.

Mkurugenzi wa Mauzo wa Hoteli ya Doubletree by Hilton, Florenso Kirambata akiwafundisha jinsi ya kutumia taa zinazotumia mionzi ya jua wanafunzi wa Shule ya Msingi Mikocheni A jijini Dar es Salaam leo, wakati uongozi wa hoteli yhiyo ulipokabidhi msaada wa taa 200 kwa wanafunzi wa darasa la saba wa shule hiyo kwa ajili ya kuwasaidia wakati wa kusoma. (Picha na Habari Mseto Blog)

ADVANC BANK WAZINDUA TAWI JIPYA TEMEKE DAR

 Mwakilishi wa Mbunge wa Temeke, Thabit Mussa akikata utepe wakati wa uzinduzi wa jengo la benki ya Advanc, Temeke jijini Dar es Salaam jana. Kushoto ni Ofisa Mtendaji Mkuu wa benki hiyo, Peter Moelders na kulia ni Kaimu Meneja wa benki hiyo, Boniface Mhali na diwani wa Temeke, Hamisi Msombo. (Picha na Habari Mseto Blog)

 Ofisa Mtendaji Mkuu wa Benki ya Advanc, Peter Moelders akisakata muziki wa asili na msanii wa kundi la Wanne Star, wakati wa uzinduzi wa benki hiyo, Temeke jijini Dar es Salaam.

Wasanii wa kundi la  Wanne Star na kundi lake akitumbuiza wakati wa uzinduzi wa tawi la benki mpya ya Advanc, Temeke jijini Dar es Salam jana

DAR ES SALAAM, Tanzania 

BENKI ya Advanc imetakiwa kuonyesha tofauti yao na benki zingine kwa kutoa riba nafuu na masharti yanayowezekana kwa wakopaji ili kulisaidia Taifa kiuchumi kupitia wajasiriamali wadogo.

Akizungumza wakati wa uzinduzi wa tawi la benki hiyo wilayani Temeke jana, mwakilishi wa mbunge wa Temeke, Thabit Massa alisema ingawa kuna benki nyingi nchini lakini riba na masharti magumu yanafisha ari ya watu kukopa.

Mwakilishi huyo wa mbunge alisema kufunguliwa kwa tawi hilo kunafanya Temeke kuwa na matawi saba sasa ya benki lakini bado hakujawa na mafanikio tarajiwa na mbaya zaidi baadhi ya benki hizo hazina huduma nzuri kwa wateja.

“Lugha nzuri hakuna na hata mikopo imekuwa ikitolewa kwa kujuana baina ya wakopaji na watendaji wa baadhi ya benki jambo ambalo sio jema na linashusha imani ya wateja kwa benki” alisema na kuongeza kuwa anatarajia mabadiliko.

Alisema beni hiyo inatakiwa ije na mambo tofauti ili kuleta tija kwa wakazi wa eneo hilo tofauti na ilivyo sasa na awali Mtendaji mkuu wa benki hiyo, Moelders alisema wamekuja ulata mapinduzi makubwa katika uduma za kibenki nchini.

“Benki yetu walengwa wake na wananchi wa kawaida na wale waliopo vijijini na kabla ya mwisho wa mwaka huu itafungua matawi mawili Jijini Mwanza na mwakani watazindua matawi mengine ya idadi hiyo Jiji la Mbeya.

Alisema 

SIRI YA KUUAWA KWA ZITTO KABWE

Katika gazeti la Mtanzania toleo na. 7269 la Jumatano Machi 27, 2013 kuna habari yenye kichwa chenye maneno ‘ SIRI YA KUUAWA ZITTO YAFICHUKA’ na vichwa vidogo ‘yadaiwa ilipangwa anyweshwe sumu hotelini’ Dk. Slaa atajwa kumtuma Ben Saanane kummaliza’. 

Habari hii imeniletea usumbufu mkubwa kwani ndugu, jamaa, marafiki na wapiga kura wangu, wamejazwa na wasiwasi mkubwa sana kwamba ninaweza kuuwawa. Napenda kusema yafuatayo:

Moja, sijawahi katika maisha yangu yote kukutana na mtu anayeitwa Ben Saanane na hivyo hicho kikao ambacho inasemekana nilikuwa naye na akajaribu kunipa sumu hakijawahi kutokea. Imetajwa Hoteli ya Lunch Time ambayo sio tu sijawahi kufika, pia hata siijui ipo wapi. Haijawahi kutokea mimi kufanya kikao cha pamoja na Ben Saanane, Juliana Shonza na Mtela Mwampamba. Hivyo habari iliyoandikwa ni ya kufikirika na hivyo naomba mwandishi ahakikishe kuwa vyanzo vyake vya habari vimempa habari sahihi.

Pili, Siamini kamwe kuwa Katibu Mkuu wa chama changu anaweza kupanga kuniua maana hana sababu ya kufanya hivyo. Napenda kurudia kusema kwamba mimi ninaamini kuwa kila nafsi itaonja mauti. Kila mtu atakufa. Kama nitakufa kwa kuuwawa na mtu mwingine ndio itakuwa nimeandikiwa hivyo na Mungu. Ndio maana hata siku moja silalamiki kuhusu vitisho vya kuuwawa nk. Kama kuna mtu anafikiria kuwa kumuua Zitto ndio furaha ya maisha yake atakuwa anajidanganya tu maana Zitto anaweza kufa kimwili lakini mawazo, fikra na maono ya Zitto yataishi tu. Siogopi kufa maana maisha niliyoyachagua ndio haya ambayo yamejaa vitisho. Muhimu kwangu ni kufanya kazi zangu kwa bidii, uhodari na uaminifu. Siku zote nitasimamia ukweli bila kujali uchungu wa ukweli huo.

Tatu, nawashauri watu ambao wamehama CHADEMA na kuhamia vyama vingine watumie muda wao kujenga vyama vyao badala ya kila siku kuzungumzia masuala ya chama ambacho wao sio wanachama tena. Kama mtu kaamua kuhama CHADEMA anapoteza haki ya kujadili masuala ya CHADEMA maana kama angekuwa anapenda kuyajadili asingehama. Naonya mtu yeyote ambaye anatumia jina langu ili kufanikisha malengo yake ya kisiasa. CHADEMA sio pango la watesaji wala wauaji. Kama kuna mwanachama wa chama kingine cha siasa anayedhani kuna mtu ndani ya CHADEMA anapanga mipango ovu aende kwenye vyombo vya sheria kumshtaki. Matendo ya mtu mmoja yasifanyiwe propaganda kama ni malengo ya taasisi.

Nne, Nawashauri viongozi wa CHADEMA na hasa wanachama tutumie muda wetu kujenga mshikamano ndani ya chama. Fitna, majungu, uongo, uzandiki nk kamwe havijengi chama. Chama chetu lazima kiwe mfano bora wa kuheshimu demokrasia na haki za binaadamu. Wananchi hawawezi kutoa dola kwa chama chenye mifarakano. Tusiruhusu kugawanywa kwa matakwa ya watu wachache. Tusimamie misingi ya kuanzishwa chama chetu.

Kabwe Zuberi Zitto, Mb

Dar-es-Salaam

Jumatano, Machi 27, 2013

UJUMBE WA FIFA KUSIKILIZA WAGOMBEA TFF APRILI 16

SHIRIKISHO la Kimataifa la Mpira wa Miguu (FIFA) ambalo lilisimamisha mchakato wa uchaguzi wa Shirikisho la Mpira wa Miguu Tanzania (TFF) kutokana na baadhi ya wagombea kulalamika kuenguliwa sasa litatuma ujumbe wake nchini katikati ya mwezi ujao.

Ujumbe huo ambao moja ya shughuli zake kuwasikiliza wote walioenguliwa na Kamati ya Rufani ya Uchaguzi ya TFF na hawakuridhika na uamuzi huo, utakuwepo nchini Aprili 16 na 17 mwaka huu.

Kwa mujibu wa barua ya Katibu Mkuu wa FIFA, Jerome Valcke kwenda kwa Rais wa TFF, Leodegar Tenga, kazi ya ujumbe huo ni kubaini tatizo lililopo na kutoa ripoti kwa mamlaka zinazohusika ndani ya FIFA kwa ajili ya kutoa mwongozo.

Ujumbe huo utakutana na pande mbalimbali zinazohusika wakiwemo wagombea, kamati za uchaguzi za TFF. Lakini pia ujumbe huo unatarajia kumtembelea Waziri wa Habari, Vijana, Utamaduni na Michezo, Dk. Fenella Mukangara pamoja na watendaji wake wizarani.

Uchaguzi wa viongozi wa TFF ulikuwa ufanyike Februari 24 mwaka huu, lakini ukasimamishwa na FIFA baada ya baadhi ya wagombea walioenguliwa kulalamika kuwa hawakutendewa haki na wangependa shirikisho hilo liingilie kati.

Boniface Wambura

Ofisa Habari

Shirikisho la Mpira wa Miguu Tanzania (TFF)

HISPANIA YAIZABUA UFARANSA NYUMBANI STADE de FRANCE

 Paul Pogba wa Ufaransa, akimrukia na kumshika kiungo wa Hispania, Xabi Alonso, tukio ambalo lilimfanya aoneshwe kadi ya pili ya njano na kupigwa 'red-card' iliyomtoa nje ya uwanja kunako dakika ya 78 ya pambano la kuwania kufuzu Kombe la Dunia 2014, lililoisha kwa Hispania kuwachapa wenyeji Ufaransa bao 1-0 kwenye dimba la Stade de France jijini Paris usiku wa kuamkia leo.

 Kiungo Xavi Hernandez wa Hispania akionywa kwa kadi ya njano na mwamuzi Viktor Kassai wa Hungary katika mechi ya kuwania kufuzu Kombe la Dunia 2014 kati ya Ufaransa na Hispania.

 Paul Pogba wa Ufaransa (wa pili kulia mwenye jezi namba 19), akioneshwa 'red-card' iliyomtoa nje ya uwanja katika dakika ya 78 ya pambano la kuwania kufuzu Kombe la Dunia 2014, lililoisha kwa Hispania kuwachapa wenyeji Ufaransa bao 1-0 kwenye dimba la Stade de France jijini Paris usiku wa kuamkia leo.

 Mshambuliaji wa Ufaransa, Karim Benzema (katikati) akitafuta mbinu za kuwatoka wachezaji wa timu ya taifa ya Hispania katika mechi baina ya nchi hizo jana usiku.

 Mlinda mlango wa Ufaransa, Hugo Lloris (kushoto) akijaribu kuokoa mpira wa Pedro usitinge katika nyavu zake. Jitihada ambazo hazikuzaa matunda, hivyo mpira kutinga nyavuni kuandika bao pekee la Hispania. 

 Kipa Hugo Lloris akiukodolea macho mpira uliopigwa na Pedro ukitinga nyavuni kuiandikia Hispania bao pekee katika mechi ya kuwania kufuzu Kombe la Dunia 2014.

 Pedro akishangilia bao hilo.

 Hii ilikuwa ni mapema kabla ya kutolewa kwa kadi nyekundu, Paul Pogba akichuana na viungo bora na mahiri duniani wa timu ya taifa ya Hispania, Xavi na Andres Iniesta.

Kipa wa Hispania, Victor Valdes, akijiandaa kuzuia shuti la winga wa Ufaransa, Frank Ribery, huku beki Gerrard Pique akiwa tayari kumsaidia.

Beki wa kushoto wa Ufaransa, Patrice Evra (kulia) akizuia shuti jepesi la mshambuliaji David Villa wa Hispania.