MAAMBUKIZI YA VVU NCHINI TANZANIA YANARIDHISHA

Katibu mkuu ofisi ya waziri mkuu Bw, Peniel Lymo akizungumza katika mkutano uliowakutanisha wadau mbalimbali wa kupambana na janga la ukimwi ulioandaliwa na TACAIDS ambapo alisema kuwa  wananchi wanatakiwa kuzingatia ushauri  na kuepukana na vishawishi vibaya vinavyochocea maambukizi ya VVU.

 

Amesema kuwa vijana wanatakiwa wahakikishe kuwa janga hili la ukimwi linaondoka kwani anauhakika kuwa vijana wanaweza kwakuwa wao ndio kila kitu.

 Bw, Lymo alisisitiza Mashirika yanayojishughulisha na kupambana na Janga la UKIMWI  kuhakikisha kuwa pesa zote zitakazotolewa kwa mashirika mbalimbali kwa ajili ya kusaidia kupunguza janga hili la ukimwi zitumike sawasawa kwa matumizi ya kuzuia UKIMWI na sio vinginevyo.

Katibu mkuu ofisi ya waziri mkuu Bw, Peniel Lymo  akiwa na Mwenyekiti Mtendaji wa TACAIDS Bi Fatma Mrisho mara baada ya kuongea na waandishi wa habari katika mkutano huo ambapo Bi Fatuma alisema kuwa lengo lao kubwa waTACAIDS ni kuhakikisha kuwa UKIMWI unaisha kabisa, kwani mpaka sasa Takwimu zinaonyesha kuwa watanzania wengi hawajaathirika ambao ni zaidi ya asilimia 90 hiyo ni kwa maana kwamba ni Watanzania wachache tu ndio walio athirika.

Baadhi ya wadau waliohudhuria katika mkutano huo wakisikiliza kwa makini.Mkutano huo umefanyika leo katika Hoteli ya Bluer Pearl jijini Dar es Salaam.