GREEN WEST PRO YAILAUMU TANESCO KWA UCHAFU

 

NA MOBINI SARYA,TANPRESS

WAKATI juhudi za kusafisha mitaa ya katikati ya jiji la Dar es Salaam,zikiwa zimeshika kasi kampuni ya kufua umeme Tanesco imelaumiwa kukwamisha juhudi hizo kwa kukata miti na kuacha taka zimezagaa hivyo.

 Akizungumza na shirika la habari nchini Tanpress msemaji wa kampuni ya Green Weste Pro Ltd iliyopewa tenda ya kuzoa taka  maeneo ya kati kati ya Jiji,Vidah Joseph alisema kuwa wamejitahidi kuzoa uchafu kwa masaa 24 lakini wanasikitishwa na kitendo cha Tanesco kukata miti  na kuacha taka hovyo. 

 Bi. Joseph alisema kuwa Shirika la umeme Tanesco limekuwa likikata Miti inayoegemea nguzo za umeme bila kuitaarifu kampuni ya kuzoa taka jambo linalosababisha majani ya miti hiyo kugeuka takataka.

“Mkataba wetu ni kuzoa taka za majumbani sio kuzoa miti inayokatwa barabarani, halafu sasa bora hawa Tanesco  wangekuwa wanatupa taarifa kabla ili sisi tujiandae kuzoa lakini wanakata miti hovyo wanaacha taka huku sisi hatuna taarifa tukiwafuata wanatuambia wametoa tenda ya kukata miti tukiwauliza watuambie aliyekata miti hawasemi”anasema Bi Joseph

Jana Kampuni hiyo ambayo inajukumu la kuzoa taka Kata ya Kivukoni, Mchafukoge na Kisutu,ililazimika kuwaita wandishi wa habari waende kujionea taka za miti zilizozagaa kwenye mitaa ya umoja wa mataifa na Palm city na katikati ya jiji baada ya wafanyakazi  wa yanesco kukata miti kisha kuondoka bila kuzoa majani.

 Kutokana na kitendo hicho Kampuni ya Green Weste ilisema kuwa tanesco wanapaswa kuzoa au kulipia taka hizo ili mkandarasi azizoe kwasababu hata wale wanaojenga barabara na majengo wakimwaga michanga na kifusi hulipia wanapohitaji kuzolewa.

Msemaji wa Tanesco,Badra Masoud alipotafutwa, simu yake iliita bila kupokelewa hadi tunakwenda mitamboni ingawa viongozi wa Weste Pro waliahidi kulifikisha suala hilo halmashauri, ili kampeni yao ya safisha jiji kwa masaa 24 isikwmaishwe.