WIZARA YA ARDHI BADO INAHESHIMU MIPAKA YA MWAKA 1954 MSITU WA KAZIMZUMBWI

WAZIRI wa Ardhi na Maendeleo ya Makazi, Profesa Anna Tibaijuka, amesema msimamo wa wizara hiyo bado uko palepale wa kuheshimu mipaka yamwaka 1954, hifadhi ya msitu wa Kazimzumbwi ulioko Mkoa wa Dar es Salaam na Pwani.

Hifadhi ya msitu huo iliyoko katika wilaya za Ilala mkoani Dar es Salaam na Kisarawe, Pwani ilianzishwa rasmi mwaka 1954 kwa tangazo la serikali Na. 306 la Septemba 24, 1954 ambapo unaainishwa katika usajili katika raman yenye usajili Na. JB. 196 ya mwaka 1954.

Kauli hiyo aliitoa juzi jijini, na waziri huyo, wakati alipokuwa akizungumza na Fullshangwe kuhusu mgogoro wa Wakazi maeneo ya Nzasa, Kimwani na Nyeburu na Hifadhi ya msitu wa Kazimzumbwi.

“Kumekuwa na mgogoro wa mpaka kati ya wananchi wanaoishi katika maeneo ya Nzasa, Kimwani na Nyeburu na Hifadhi ya msitu huu wa Kazimzumbwi.

Wananchi wanaoishi katika maeneo haya wanadai kuwa nyumba zao zilivunjwa na mazao yao kuharibiwa baada zoezi la uhakiki wa mpaka wa hifadhi hiyo uliofanywa na wataalamu kutoka Wizara ya Maliasili na Utalii”alisema Profesa Tibaijuka.