Critique ya Mwanakijiji kwa kauli zinazohimiza kuua Wakristo, Serikali ikitizama

Uhalifu na kudhuru kwenye malengo ya kuua watu, hasa yanayowalenga viongozi wa kidini nchini yanachochewa na watu ambao wameachwa kutumia kiholela uhuru wa mawasiliano.

Angalabu kuna akaunti za mitandao ya kijamii, magazeti, redio za dini na madhehebu ya Kikristo  na Kiislam zimelalamikiwa nchini Tanzania kwa kueneza mafunzo na mafundisho yenye chuki, uhasama na kulipiza kisasi, hata ikibidi kwa kumwaga damu.

Litakuwa ni jambo la ajabu sana endapo Serikali itakanusha kuwa haifahamu kuhusu haya, kwa maana itakuwa sawa na kuuaminisha umma kuwa Serikali haifahamu yanayoendelea (out of touch) kwa wananchi wake, hasa ikizingatiwa ngazi mbalimbali za uongozi zilizomo katika mfumo wa uongozi, yaani kuanzia mjumbe wa nyumba kumi kumi na viongozi wa mitaa wanaofahamu yote yanayoendelea katika maeneo yao hadi ngazi ya juu kabisa Serikalini.

Ikiwa ndivyo, basi aina ya mfumo wa uongozi tuliyonayo inabidi kufanyiwa marekebisho ili iwe na macho na masikio yanayowafikia wananchi.

Serikali haipaswi kuamini kuwa kila raia wake anao uwezo wa kiakili, hekima na maarifa ya kupima na kupembua mambo na kauli zenye mwisho mbaya dhidi ya zile zenye madhara, hasa katika misingi ya siasa, dini/imani, kabila, jinsi/jinsia n.k. kwa kigezo tu cha kudai haki ambayo inakwapua haki ya mwingine, tena asiyehusika moja kwa moja.

La, sivyo, basi tuamini hizi kauli si chochezi na basi hazipaswi kuwepo kwenye kundi la kauli chochezi. Nadhani kauli hizi hata kwenye “comedy” hazi-qualify. Original videos za kauli hizo zipo YouTube.

Source: http://www.wavuti.com