KAMANDA KOVA AWATAKA WANANCHI KUACHA KUTOA TAARIFA POTOFU JUU YA TUKIO LA UPORAJI WA FEDHA KARIAKOO JANA

Askari Polisi wakiwa kwenye doria katika eneo la Tukio la Uporaji wa fedha katika moja ya duka Kariakoo jijini Dar bes salaam mara baada ya uporaji kufanyika katika eneo hilo.

Kamanda wa Polisi Kanda Maalum, Seleman Kova akizungumza na waandishi wa habari katika kituo kikuu car es salaam kuhusiana na tukio hilo.

……………………………………………………

KAMANDA wa Polisi Kanda Maalum, Seleman Kova amewataka wananchi kuacha kutoa taarifa potofu kuwa baadhi ya askari walionekana kuchukua mfuko wa fedha katika tukio la wizi wa sh milioni 150, lilitokea Mtaa wa Mahiwa Kariakoo Dar es Salaam juzi.

 

Kauli hiyo ya Kova, ambaye pia ni Naibu Kamishna wa Polisi, imekuja baada mashuhuda wa tukio hilo kudai kuwa askari waliofika katika eneo la tukio kuonekana wakichukua mfuko huo uliokuwa umejaa fedha, kutokana kutupwa na jambazi aliyekuwa akikimbia kwa lengo la kujisalimisha.

 

Akizungumza na Fullshangweblog janaKova alisema wakati askari wanamkamata jambazi huyo, kwa bahati mbaya hakuwa hana mfuko wowote wa fedha kama inavyodaiwa, habari hizo sijui zinatoka wapi.

Alisema wananchi wanapaswa kutambuwa kuwa tukio lile linaonekana majambazi wale walilipanga kwa ustadi hivyo inawezekana wakati anajaribu kujisalimishana alifanikiwa kulirusha kwenye gari na wenye gari hilo kutoweka nalo.

 

“Unajua linapotokea tukio kama hili kila mtu anaweza kusema lake hivyo tunachoweza kueleza ni kuwa fedha hizo hazijapatikana, tunaendelea na upelelezi na tunahakika tutawakamata wote waliohusika na tukio lile”alisema Kova.

 

Akizungumzia madai kuwa askari walionekana kuchelewa kuwadhibiti majmbazi hao, Kamanda Kova alisema hawakuchelewa bali wanapofika kwenye matukio ambayo yapo kwenye makundi ya watu ni lazima watafute engo ya kushambulia kwanza.

 

Alisema hawawezi kwenda kifua mbele kwa kushambulia tu kwani wanaweza kuua raia wema, ambapo inaweza kusababisha malalamiko kutoka kwa raia.

 

Kuhusu tabia za pikipiki kuhusishwa kwenye matukio ya ujambazi alisema wataendesha operesheni kama awali ambapo walizikamata pikipiki 275 kutokana na makosa mbalimbali ya ukiukaji wa sheria za usalama barabarani, yakiwemo hayo ya ujambazi.

 Juzi majambazi walivamia wafanyakazi wa Kampuni ya Artan waliokuwa wakijiandaa kupeleka fedha Benki, tukio lililotokea katika mtaa Mtaa wa Mahiwa Kariakoo jinini nakusababisha watu wawili kupoteza maisha na wengine watatu kujeruhiwa.