SUMAYE AKERWA NA UONGOZI WA KIFALME

Jengo la utamaduni la chuo kikuu Mwalimu Nyerere



Waziri mkuu mstaafu Fredrick Sumaye akisalimiana na wenyeji wake mara baada ya kuwasili katika chuo kiuuu cha mwalimu Nyerere kwa ajili ya mdahalo wa kumuenzi Mwalimu

wajielekea katika ofisi za mapokezi

akiweka kumbu kumbu katika kitabu cha wageni

 

Fredrick Sumaye akitoa mada kwenye mjadala huo

WAZIRI Mkuu Mstaafu wa Jamhuri ya Muungano wa Tanzania, Frederick Sumaye, amesema ubinafsi uliopo kwa baadhi ya viongozi umesasababisha nchi kuingia katika dimbwi la umaskini.

 

Akiwasilisha mada kwenye mdahalo wa Maadhimisho ya miaka 13  13 ya kifo cha Baba wa Taifa Mwalimu Juliusi Nyerere Sumaye alisema viongozi wa sasa wamekuwa wabinafsi kiasi cha kuandaa watoto na wake zao kwa ajili ya kuwa viongozi wa nchi wa baadaye kama nchi za kifalme kinyume na katiba ya nchi.

 

Aliongeza kuwa ubinafsi huo ndio chanzo kukubwa cha kukithiri kwa rushwa katika sekta mbalimbali kwa kuwa viongozi hao, hawako tayari kupoteza madaraka yao, badala yake hutumia rasilimali sambamba na uwezo wao wa kifedha kuwahonga wapiga kura ili waendelee kukaa madarakani, hata kama wananchi hawawataki.

 

“Rushwa imekithiri sehemu muhimu ambazo zingepata viongozi wachache wenye uchu na nchi tusingekuwa katika eneo hili, Mtu yeyote anayetaka kwenda Ikulu kupitia rushwa hafai’ mosi hizo fedha za kuwahonga wananchi alipata wapi? Kama amekopa anategemea ikulu kuna hela ambazo hataweza kurudisha deni hilo?  Aliongeza

 

“Chaguzi zote zimetawaliwa na rushwa moja kwa moja jambo ambalo hayati mwalimu Nyerere halilikemea hadi mwisho wa uhai wake, na kama hatutaliangalia tatizo hilo kwa makini kuna hadhari kubwa kwa taifa”

 

“Kila mmoja wetu ajiulize je angefufuka leo mwalimu Nyerere, nani angeshiriki kumlaki? au angetamani kuvaa nguo gani ili aonekane kuwa tofauti na mwingine? au tungekuwa wa kwanza kukimbilia porini? tafadhali tutafakari na kuchukua hatua ili tuondokane na maovu kwa kuondoa  taswira tofauti katika jamii” alisisitiza Sumaye.

 

Aidha, alifafanua kuwa matumizi mabaya ya Ofisi ya Rais ni tatizo kubwa ndani ya nchi kwa sababu viongozi walioko hawataki kung’oka madarakani badala yake wameng’ang’ania nafasi hizo kwa maslahi yao ya kuwaandaa watu wao wa baadaye.

 

Mbali na ubinafsi huo, aligusia hali ya uchumi wa nchi kukuwa, lakini umeshikiliwa na kundi la watu wachache, hivyo matukio yanayoonekana kwa sasa ni hatua ya ukiukaji wa sheria pamoja na amani ya nchi.  

 

“Hali ya kutowajali kundi la watu masikini ni tatizo kwa taifa, kwa sababu viongozi hao wamewekeza kwa kuwajali wenye nacho ili wanufaike kama wao, tabia hiyo ni hatari kwa taifa” aliongeza Sumaye.

 

Naye Mkuu wa Chuo Dk. John Magotti alitumia fursa hiyo kuzungumzia suala la kiwango cha elimu itolewayo nchini hususani katika shule za kata kuwa ni chachu ya kukwamisha ufaulu sanjari na ajira kwa wahitimu.

 

“Kuna haja ya serikali kutafuta ufumbuzi katika sekta ya elimu kabla haujaleta madhara makubwa, kwa sababu elimu bora inaendana na nafasi bora ya ajira, hivyo mwito wangu elimu inayotolewa katika shule za kata isitofautiane sana na ile ya shule za watu binafsi” alitabanaisha Magotti.